2015-07-02

ТМЗ -2015 чуулган

Корпорэйт Конвеншн Центр

Татварын Мэргэшсэн Зөвлөхийн Нийгэмлэгийн Зөвлөх Үйлчилгээний Менежментийн Хорооноос санаачилан татварын итгэмжлэгдсэн нягтлан бодогч (ТИНБ)-ид, түүнчлэн татварын мэргээшсэн зөвлөх үйлчилгээ эрхэлдэг ТМЗ компаниуд, хуулийн нөхөрлөлүүд, татвар төлөгч аж ахуйн нэгжүүд, татварын алба болон бусад төрийн байгууллагын төлөөлөл болсон татварын мэргэжилтнүүдийг оролцуулан “ТИНБ-2015” чуулганыг 2015 оны 7 дугаар сарын 2, 3-ны өдрүүдэд амжилттай зохион байгуулсан.

Энэхүү чуулганыг “ОРШИН СУУГЧ БУС ЭТГЭЭДИЙН НӨАТ: ХУУЛЬ БА ПРАКТИК”, “ДАВХАР ТАТВАРЫН ГЭРЭЭ БА ДОТООДЫН ХУУЛЬ, ТОГТООМЖИЙН ҮЙЛЧЛЭЛ” гэсэн 2 сэдвээр 2 өдрийн турш зохион байгуулсан. Чуулганыг анхлан санаачилж, өндөр хэмжээнд зохион байгуулсан тухайн үеийн ЗҮМХорооны дарга Ц.Энхжавхлан болон гишүүдэд гүн талархал илэрхийлье

2016-06-09

ТМЗ-2016 чуулган

Корпорэйт Конвеншн Центр

ТИНБ-ийн Монгол улсын нийгэм, эдийн засагт гүйцэтгэх үүрэг, үр нөлөөг олон нийтэд таниулах, ТМЗ-н үйл ажиллагааг сурталчлах, Монгол улсын татварын шинэчлэлийн бодлого, олон улсын татварын гэрээг хэрэгжүүлэхэд болон татварын зарга, маргааныг шүүхээр хянан шийдвэрлэхэд тулгарч буй асуудлуудыг хэлэлцэж, олон улсын сайн практик туршлагын талаар ярилцах, мэдлэгээ хуваалцах зорилгоор ТИНБ-2016 чуулганыг 2016 оны 6 дугаар сарын 9-ны өдөр амжилттай зохион байгууллаа.

Чуулганыг Монгол улсын Татварын бодлого өнөөгийн байдал, тулгамдаж буй асуудал, хөгжлийн чиг хандлага, олон улсын татварын гэрээг тулгарч буй асуудлуудыг хэлэлцэж, олон улсын сайн практик туршлагын талаар ярилцах зэрэг асуудлууд хамруулан амжилттай зохион байгуулсан тухайн үеийн ЗҮМХорооны дарга Д.Ончинсүрэн болон хорооны гишүүдэд гүн талархал илэрхийлье.

2017-06-16

ТМЗ - 2017 чуулган

Чингис зочид буудал

Татварын хуулийн хэрэгжилт болон тулгамдсан асуудлуудын хүрээнд хийсэн судалгааг олон нийтэд таниулах, татварын алба болон холбогдох төрийн байгууллагуудын баримталж буй бодлого шинэчлэлийг олон нийтэд түгээх зорилгоор зорилгоор 2017 оны 6 дугаар сарын 16-ны өдөр амжилттай зохион байгуулсан.

Чуулганыг Монгол улсын Татварын бодлого өнөөгийн байдал, НӨАТ, ХХОАТ-ын хуулийн хэрэгжилт болон түүнийг боловсронгуй болгох, нийгмийн даатгалын тулгамдсан асуудлуудыг хэлэлцэж, олон улсын сайн практик туршлагын талаар ярилцаж хэлэлцүүлэх агуулгын хүрээнд “ТАТВАРЫН ЕРӨНХИЙ ГАЗАР:ҮНЭ ШИЛЖҮҮЛЭЛТИЙН АСУУДЛУУД, ТҮҮНД БАРИМТАЛЖ БУЙ БОДЛОГУУД”, “НӨАТ-ЫН ТУХАЙ ХУУЛИЙН ХЭРЭГЖИЛТ БОЛОН ТУЛГАМДСАН АСУУДЛУУД”, “НИЙГМИЙН ДААТГАЛЫН ЕРӨНХИЙ ГАЗАР: НИЙГМИЙН ДААТГАЛЫН ХУУЛИУДЫН ХЭРЭГЖИЛТ, НИЙТЛЭГ ЗӨРЧИЛ БОЛОН АНХААРАХ АСУУДАЛ”, “ХХОАТ-ЫН ХУУЛИЙН ХЭРЭГЖИЛТ, ТҮҮНИЙГ БОЛОВСРОНГУЙ БОЛГОХ” гэсэн дэд сэдвүүдтэйгээр амжилттай зохион байгуулсан тухайн үеийн ЗҮМХорооны дарга М.Уянга болон хорооны гишүүдэд гүн талархал илэрхийлье.

2018-11-13

ТМЗ - 2018 чуулган

“Шингри-Ла Улаанбаатар” зочид буудал Ballroom
Ази Номхон Далайн Бүсийн Орнуудын Татварын Зөвлөхүүдийн Холбооны ээлжит хурлын Монгол Улсын Татварын мэргэшсэн зөвлөхийн нийгэмлэг эх орондоо зохин байгуулах эрхийг авч, амжилттай зохион байгуулсан. Уг чуулганд Монголын татварын зөвлөхүүдийг хамрагдах бүхий л боломж нөхцөлийг хангаж өгсөн учир “ТМЗ-2018” чуулганыг үүнтэй хамтатган зохион байгуулсанд тооцохоор шийдвэрлэв.

Энэхүү чуулганыг зохион байгуулах ажлын хэсгийг томилсон бөгөөд Ажлын хэсгийн ахлагчаар А.Тамир, нарийн бичгээр Ж.Энхзул, гишүүдээр Ц.Болормаа, Х.Тунгалагмаа, Г.Хишигзул, Р.Хишигнэмэх, Э.Тайвансайхан, Г.Норжмаа, Г.Цэрэндулам болон ТМЗН-ийн Удирдах зөвлөл, Хяналтын зөвлөл, Менежментийн хороод, ажлын албаны нийт албан хаагчид сэтгэл зүтгэл гарган хамтран ажиллаа.

ТМЗ-2019 чуулган

2019.12.26

Блю скай зочид буудал, Даймонд танхим

Татварын хуулийн шинэчлэлтэй уялдуулан “Татварын шинэчлэл ба зөвлөх үйлчилгээ” сэдвийн хүрээнд 12 сарын 26-нд зохион байгуулсан. 2020 оны 1 дүгээр сарын 1-ээс мөрдөгдөж эхлэх татварын багц хуулиудын талаарх мэдлэгээ нэмэгдүүлэх, хуульд орсон шинэ ойлголтын талаар нэгдсэн мэдээлэлтэй болох зорилгоор зохион байгуулсан уг чуулганд 2019 хүн оролцсон нь түүхэндээ хамгийн олон оролцогчтой чуулган боллоо. 

Чуулганыг ТАТВАРЫН ШИНЭЧЛЭЛИЙН ТАЛААР ЦААШИД АВЧ ХЭРЭГЖҮҮЛЭХ БОДЛОГЫН АСУУДЛУУД, ТАТВАРААС ЗАЙЛСХИЙХИЙН ЭСРЭГ АРГА ХЭМЖЭЭГ ХЭРЭГЖҮҮЛЭХ ЕРӨНХИЙ ДҮРЭМ, ТАТВАРЫН ХУУЛЬ ТОГТООМЖИЙГ ХЭРЭГЖҮҮЛЭХ ЗӨВЛӨМЖ, ҮНЭ ШИЛЖИЛТИЙН ТОХИРУУЛГА ХИЙХ ТОХИРОМЖТОЙ АРГЫГ СОНГОХ, ХЭРЭГЛЭХ, ҮНЭ ШИЛЖИЛТИЙН ТАЙЛАГНАЛ, ҮЙЛ АЖИЛЛАГААНЫ УДИРДЛАГЫГ МОНГОЛ УЛСААС ХЭРЭГЖҮҮЛДЭГ ГАДААДЫН АЖ АХУЙН НЭГЖИЙН ТАТВАРЫН ХАРИЛЦАА, ТӨЛӨӨНИЙ ГАЗРЫН ТАТВАРЫН ТАЙЛАГНАЛ, ЭРХ БОРЛУУЛСАН, ШИЛЖҮҮЛСЭН ОРЛОГЫН ТАТВАР НОГДУУЛАХ ҮНЭЛГЭЭ БОЛОН ТАТВАРЫН НОГДЛЫГ ТОДОРХОЙЛОХ зэрэг агуулгын хүрээнд Сангийн яам, Татварын ерөнхий газар, Татварын мэргэшсэн зөвлөхүүдийн төлөөллөөр илтгэл тавиулан, дээрх асуудлуудын хүрээнд санал солилцож, нэгдсэн ойлголтод хүрэх боломжийг олгон зохион байгуулсан Д.Энхсайхан даргатай ЗҮМХ-ний нийт гишүүдэд талархал илэхийлье.

ТМЗ-2020 чуулган

Ковид-19 цар тахлын нөхцөл байдлаас шалтгаалж ТМЗ чуулганыг зохион байгуулах боломжтой нөхцөл байдал үүссэн.

Гэвч ТМЗ чуулганаар гишүүддээ олгодог мэдлэг, мэдээллийг орхигдуулахгүй байх үүднээс Эрнст энд Янг ТМЗ ХХК - тай хамтран "МОНГОЛ УЛС ҮНЭ ШИЛЖИЛТИЙН ЗОХИЦУУЛАЛТ" сэдэвт сургалтыг танхимаар, "ОЛОН УЛСЫН ТАТВАРЫН ӨӨРЧЛӨЛТ ШИНЭЧЛЭЛТ” сэдэвт сургалтыг /багш - ТМЗ Ж.Энхзул/ цахимаар тус тус зохион байгуулан ажиллалаа. 

2021 оны 9-р сарын 28

Цахим /zoom meeting/

Сэдэв: Татварын мэргэшсэн зөвлөх үйлчилгээний хөгжил хандлага

Бүртгэл: 2021.09.03-аас members.cpta.mn програмаар